Нооруз
Урматтуу кесиптештер, урматтуу эже агайлар жана студенттер!
Бүгүн биз көктөмдүн келишин, жаңылануунун жана жаңы үмүттөрдүн майрамы болгон Ноорузду бирге тосуп жатабыз. Нооруз – бул тынчтыктын, биримдиктин жана табият менен адамзаттын эриш-аркак жашоосунун символу. Бул күнү адамдар бири-бирине ак ниет каалоолорун айтып, эски таарынычтарды унутуп, жаңы максаттарга умтулушат.
Биздин Институт да ушул баалуулуктарды карманып, билим берүүдө, илимде жана жаңы технологияларды өнүктүрүүдө биримдикте, тынымсыз аракетте жана ийгиликке умтулуу менен алдыга карай жылууда. Студенттерибиздин жетишкендиктери, окутуучуларыбыздын үзүрлүү эмгеги – бул биздин жаркын келечегибиздин негизи өзөгү.
Нооруз ар бириңиздерге береке, бакыт жана ийгиликтерди алып келсин! Жаратмандыкка шыктандырып, жаңы жетишкендиктерге жетелесин! Үй-бүлөңүздөргө тынчтык, амандык жана молчулук каалайм!
Нооруз майрамыңыздар кут болсун!
Сиздерди, урматоо менен Амантур Рыспаев!
